إزالة الشعر الزائد فى الجسم بالشمعه فقط بدون إستخدام ماكينة الشمع أو الشرائح الورقيه الخاصه بها .

أزيكم يا بنوتات عاملين أيه فى البرد ده؟؟ يارب تكوانوا بألف خييييييييرأدخل فى الموضوع على طول بدون كتر كلام :D الموضوع وبأختصار أنى النهاردة كنت بعمل سويت لكن مش بالسويت ههههههههه كنت بعمله بالشمع لأنى لما جربته لقيته معايا أفضل من السويت بكتير لأنه أسرع فى الوقت وكمان بيشيل أدق الشعيرات الصغيرة اللى السويت ساعات مش بتشيلها وأكيد كلنا يابنات أن أزالة الشعر الزائد بالشمع بيوفر اكتر فى الوقت والجهد وبيدى نتايج حلوووووة بجد المهم النهاردة وانا بشيل الشعر الزائد بالشمع وصلت ماكينة الشمع بالكهرباء لقيتها مش شغااله أنا طبعا أنهااااارت :D لأنى كنت مشغوله جدا ومش ناقصه اضيع فى الوقت اكتر كده المهم هديت وحاولت أفكر فقولت فى بالى ايه بيكون وظيفة ماكينة الشمع غير انها بتسخن الشمعه علشان تسيح بالدرجة المطلوبه ،، ومن هنا جاتلى فكرة عبقريه جيبت حلة صغيرة (لبانه) زى اللى بنغلى فيها اللبن وسخنت فيها مياه خليت المياه سخنة أوى ، وبعدين جيبت الشمعه حطيتها فيها لكن الرأس الدوار للشمعه خليته فوق بحيث أنه مش يلمس المياه ولو المياه سخونتها قلت بكون محضره ميه سخنه فى الكاتل(البراد الكهربائى) واغير المياه بحيث أنى اضمن أن الشمعه بتسخن لحد ما الشمعه تسيح .. والمهم بقى اللى يغيظ أكتر أنى خلاص اتصرفت وحضرت الشمعه جيت اجيب ورق نزع الشعر لأنى بشيله فى دولابى من ذكائى تقريبا :D لقيته خلص بصراحة كنت هتشل هههههههههههههه مش عارفه بجد اليوم كان ماله النهاردة بس أنا كنت متلخبطه جدا ومش قادرة أركز لظروف طارئه حصلتلى .. المهم فكرت بسرعه وبرضو الحمدلله جاتلى فكرة كويسه أوى وقولت يلا مش مشكله اجربها فجيبت أكياس بلاستيك بتاعة اللبن دى زى اللى فى الصورة كده

دى والشمعة طبعا بعد ما ساحت نشفتها كويس من المياه وبعدين فردت الشمع على رجلى كامعتاد بواسطة الرأس الدوارة الموجودة أعلى الشمعه وبعدها حطيت عليها الكيس البلاستيك بعد ما قطعته بالطول بأحجام مناسبه زى ورق نزع الشعر بالظبط وبعدين استخدمته بنفس الطريقه ،، بس النتيجة والله يابنات كانت رووووووووعه والله يمكن الاكياس دى كانت احسن من الورق المخصص لنزع الشعر بالشمع .. وانا اللى كنت زعلت على الماكينه لانى جيبتها غاليه ب160 جنيه وكنت فضلت النوع الغالى علشان ميبوظش بسرعه بس بعد ماجربت الطريقه دى عرفت انى خلاص مش محتاجة اتكلف مصاريف زيادة علشان اجيب ماكينة شمع تانيه واتكلف تانى ده غير ورق الشمع اللى كنت بشتريه لوحده .. بس من النهاردة والحمد لله خلااااااااااص عرفت انى مش هتكلف تانى اى مصاريف ملهاش لازمه خلااااص يادوب على تمن الشمعه وبس ؛)

ودى صورة لشكل الشمع:)

يارب يكون الموضوع عجبكم ياقمرات وأن شاء الله هبقى انزلكم موضوع عن أنواع الشمع ونوع الشمع المناسب لكل بشرة وياريت تسامحونى للأطالة معلش انا عارفه انى بتكلم كتير بس سامحونى لأنى بحب احكى كل شئ بالتفصييييييل :)

طائر وقع فى حب وردة أنظر ماذا حدث له "غريب جدا ومؤثر جداااا" .

قرأت حكايه مؤثرة جداً فأحببت أن أقصها على زوار المدونه الكرام عسى أن يجدوا بها عبرة وعظة، القصة تقول أنه ذات يوم مرٌ عصفور بحديقة جميله فأحب منظرها وحام حولها طائرا وأخذ يتنقل بسعادة على أغصان أشجارها الجميله حتى رأى وردة بيضاء جميله لفتت نظره فذهب أليها وتحدث معها وكانت رقيقه معه بشكل كبير ولما شعر العصفور بالارتياح فى حواره معها أصبح يمر عليها يومياً كل صباح ويتجاذب معها أطراف الحديث حتى وقع فى حبها ، ولكنه تردد فى بادئ الأمر أن يصارحها بحبه الشديد لها ، وقرر أن يخفى مشاعره الجميله عنها خوفا من أن ترفضه وترفض حتى الحوار معه فظل هكذا يخفى مشاعره عنها حتى أرهقه الحب فقرر ذات يوم أن يصارحها بحبه العميق لها وذهب فى صباح اليوم التالى وصرح لها بحبه فكان ردها هو أنها لم تبادله الحب يوماً ما وأنها لم تشعر نحوه أبدا بمثل تلك المشاعر، فشعر بحزن شديد وأبتعد عنها ولكنه لم يحتمل الابتعاد كثيراً ، فهداه تفكيره الى أن يذهب أليها ويحاول مرة أخرى ، فظل يذهب أليها يوماً بعد يومٍ حتى شعرت الوردة البيضاء بالملل فأرادت أن تبعده عنها ألى الأبد بحيلة ما ، فأنتظرت الى اليوم التالى حتى يصرح لها بحبه مرة أ

قراءة المزيد

أنا بسمه

بحث هذه المدونة الإلكترونية

إزالة الشعر الزائد فى الجسم بالشمعه فقط بدون إستخدام ماكينة الشمع أو الشرائح الورقيه الخاصه بها .

التسميات

تعليقات

إرسال تعليق

المشاركات الشائعة من هذه المدونة

طرق التخسيس بالحلفا بر وانظرى فوائده الأخرى.

طائر وقع فى حب وردة أنظر ماذا حدث له "غريب جدا ومؤثر جداااا" .